ახალი „გირჩის" წევრი - „გირჩის“ შიგნით ადამიანებს უჭირდათ არანორმალურად მოსაუბრე ადამიანებთან ურთიერთობა, როგორებიც იყვნენ მაშინ ჩვენი ლიდერები

„გირჩის“ შიგნით ადამიანებს უჭირდათ არანორმალურად მოსაუბრე ადამიანებთან ურთიერთობა, როგორებიც იყვნენ მაშინ ჩვენი ლიდერები. ამან გამოიწვია კონფლიქტი და გადავწყვიტეთ, შეგვექმნა „გირჩი", რომლის იდეოლოგიაც და ქცევის ეთიკაც მის ორგანიზმში იქნებოდა ერთნაირი,- ამის შესახებ ჟურნალისტებს ახალი „გირჩის" წევრმა ცოტნე კობერიძემ განუცხადა.

მისი თქმით, ახალი პარტიის სრული სახელი იქნება „მეტი თავისუფლება - გირჩი", რომლის ყრილობაც დღეს იმართება. კობერიძის განმარტებით, უკვე ვირტუალურად აირჩიეს პოლიტსაბჭო, პარტიის თავმჯდომარე და სარევიზიო კომისიაც. მისივე თქმით, იდეოლოგიურად ორივე „გირჩი" ერთმანეთს ძალიან ჰგავს.

„თვითონ ქცევის ეთიკა აისახება პარტიაზე, რაც სამწუხაროდ, აქამდე არ იყო და ამან შექმნა პრობლემები. ადამიანები „გირჩში" ვერ მოდიოდნენ და პოლიტიკაში ისე ვეღარ ერთვებოდნენ, როგორც ჩვენ გვინდოდა ჩავრთულიყავით. ცხადია, ეს ჩვენს პოლიტიკას გარეთ არ ეტყობოდა, უბრალოდ თვითონ „გირჩის" შიგნით ადამიანებს უჭირდათ არანორმალურად მოსაუბრე ადამიანებთან ურთიერთობა, როგორებიც იყვნენ მაშინ ჩვენი ლიდერები. ამან გამოიწვია კონფლიქტი და გადავწყვიტეთ, შეგვექმნა „გირჩი", რომლის იდეოლოგიაც და ქცევის ეთიკაც მის ორგანიზმში იქნებოდა ერთნაირი. ეს გულისხმობს იმას, რომ ადამიანებს ექნებოდათ შეცდომის დაშვების უფლება, თავისუფლების და თანამშრომლობის სურვილი", - განაცხადა ცოტნე კობერიძემ.

ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
ქართული პრესის მიმოხილვა 26.07.2021
ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ბათუმში „მაგნიტის“ ახალი ფორმატის ფილიალი - „მაგნიტი მაქსი“ გაიხსნა
რომში “ინტელიექსპრესის” ახალი ფილიალი გაიხსნა
საფრანგეთის განვითარების საფინანსო ინსტიტუტი პროპარკო (Groupe Agence Française de Développement) კრედო ბანკის აქციონერი გახდა
„ემბავუდმა“ ოქროს ბრენდის წოდება მოიპოვა