გიორგი ბარამიძე - პარტიის განვითარების ახალი ეტაპი იწყება - წინ გვაქვს მშვიდობიანი, არაძალადობრივი ბრძოლა უზურპატორი რეჟიმის წინააღმდეგ

"ნაციონალური მოძრაობის“ ერთ-ერთი ლიდერის გიორგი ბარამიძის განცხადებით, პარტიის განვითარების ახალი ეტაპი იწყება. ამის შესახებ ბარამიძემ "ერთიანი ნაციონალური მოძრაობის" დღევანდელ ყრილობაზე ჟურნალისტებთან განაცხადა.

მისივე თქმით, წინ მშვიდობიანი ბრძოლაა უზურპატორი რეჟიმის წინააღმდეგ.

მანვე აღნიშნა, რომ ივანიშვილის რეჟიმი ხელისუფლების უზურპაციის შელამაზებას ცდილობს, რადგან ნორმალური პოლიტიკური პროცესის წარმოჩენა უნდა.

"ძალიან სასიამოვნოა, რომ "ნაციონალური მოძრაობა" ახალ პოლიტიკურ კულტურას ამკვიდრებს. მისი თავმჯდომარის არჩევა არა ყრილობის მიერ მოხდა, არამედ ეს პროცესი მიხეილ სააკშვილის ინიციატივით ელექტრონული ფორმით ჩავატარეთ და ჩვენი პარტიის ყველა წევრსა და გულშემატკივარს საშუალება ჰქონდათ, მონაწილეობა მიეღოთ. ორ ღირსეულ კანდიდატს შორის, სახალხო კენჭისყრით ნიკა მელია აირჩა. რა თქმა უნდა, ჩვენი პარტიის განვითარების ახალი ეტაპი იწყება. წინ გვაქვს მშვიდობიანი, არაძალადობრივი ბრძოლა უზურპატორი რეჟიმის წინააღმდეგ.

ივანიშვილის რეჟიმი ხელისუფლების უზურპაციის შელამაზებას ცდილობს. უნდა წარმოაჩინოს, ნორმალური პოლიტიკური პროცესი მიდის. ისინი ცდილობენ, თავიანთი სურვილები რეალობად წარმოაჩინონ, მაგრამ ყველა პარტია კონსოლიდირებულია, რომ ამ მარიონეტულ პარლამენტში არ შევიდეს", - განაცხადა ბარამიძემ.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო