ხატია დეკანოიძე - მთელი პასუხისმგებლობა არის ხელისუფლების მხარეს, მათ პოლიტიკური კრიზისის განმუხტვისთვის და კომპრომისისთვის უფრო მეტი სივრცე აქვთ

„ნაციონალური მოძრაობის“ წევრის ხატია დეკანოიძის განცხადებით, თუ მნიშვნელოვან საკითხზე შეთანხმება არ შედგება, პარლამენტში ოპოზიციის შესვლა გამორიცხულია.

როგორც მან ჟურნალისტებს განუცხადა, თუ 2-3 ადამიანი პარლამენტში მაინც შევა, ეს მაინც არაფერს შეცვლის.

„ალბათ, ბატონი არჩილ თალაკვაძე საუბრობს იმას, რაც ძალიან უნდა ბიძინა ივანიშვილს და ყოველთვის ასე იყო. მინდა ჩვენი პარტიის და ბლოკის სახელით დაგარწმუნოთ, ასევე თავს უფლებას მივცემ და მთელი ოპოზიციური სპექტრის სახელით ვიტყვი, რომელმაც უარი თქვა მანდატზე, არავითარ შემთხვევაში ჩვენი გადაწყვეტილება არ შეიცლება, თუ არ მოხდება ის მნიშვნელოვანი შეთანხმება, რომელიც წარდგენილი გვაქვს. ამიტომ, მთელი პასუხისმგებლობა არის ხელისუფლების მხარეს, პოლიტიკური კრიზისის განმუხტვისთვის და კომპრომისისთვის მათ უფრო მეტი სივრცე აქვთ. გარწმუნებთ, არავინ პარლამენტში შესვლას არ აპირებს. თუ 2-3 ადამიანი შევა, ვინც საუბრობდა, ეს არაფერს შეცვლის“,-განაცხადა დეკანოიძემ.

ის არ გამორიცხავს, რომ ხელისუფლების მხრიდან ოპოზიციური პარტიების მიმართ ზეწოლაც იყოს.

დეკანოიძემ ასევე აღნიშნა, რომ ხელისუფლებასა და ოპოზიციას შორის მოლაპარაკებების მეხუთე რაუნდთან დაკავშირებით ინფორმაცია არ აქვს.

„მნიშვნელოვანია, რომ ხელისუფლებამ პასუხისმგებლობა ბოლომდე გააცნობიეროს. მას ძალიან ფართო კომპრომისის სივრცე აქვს, მოვიდეს კეთილგონივრული წინადადებით, რადგან ამ ქვეყანაში არის უმძიმესი კრიზისი ეკონომიკური, ჯანდაცვის და პოლიტიკური თვალსაზრისით. ამიტომ, თუ ოდნავ მაინც კეთილგონივრულ ჭრილში მიუდგებიან, მნიშვნელოვანია ხელისუფლების მხრიდან დათმობა“, - განაცხადა დეკანოიძემ.

ცნობისთვის, პარლამენტის თავმჯდომარის არჩილ თალაკვაძის განცხადებით, უკვე მოხდება გარდატეხა და ოპოზიცია დაიწყებს მონაწილეობას საპარლამენტო პროცესში. თალაკვაძე ამბობს, რომ სტატუს -კვო მალე შეიცვლება.

ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
ქართული პრესის მიმოხილვა 26.07.2021
ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ბათუმში „მაგნიტის“ ახალი ფორმატის ფილიალი - „მაგნიტი მაქსი“ გაიხსნა
რომში “ინტელიექსპრესის” ახალი ფილიალი გაიხსნა
საფრანგეთის განვითარების საფინანსო ინსტიტუტი პროპარკო (Groupe Agence Française de Développement) კრედო ბანკის აქციონერი გახდა
„ემბავუდმა“ ოქროს ბრენდის წოდება მოიპოვა