მთიანი ყარაბაღის საბრძოლო ზონიდან, 13 ნოემბრიდან 27 დეკემბრამდე პერიოდში, 1 111 სომეხი ჯარისკაცის ცხედარია გადმოსვენებული, - ამის შესახებ ინფორმაციას სომხური მედია ე.წ. მთიანი ყარაბაღის საგანგებო სიტუაციების სამსახურზე დაყრდნობით ავრცელებს.
მათივე ინფორმაციით, სამძებრო სამუშაო გრძელდება.
შეგახსენებთ, 9 ნოემბერს აზერბაიჯანის, სომხეთისა და რუსეთის ლიდერებმა ხელი მოაწერეს განცხადებას მთიან ყარაბაღში საბრძოლო მოქმედებების დასრულების შესახებ, რომელიც სხვა პირობებთან ერთად, კონფლიქტის მხარეებს შორის დაღუპული სამხედრო მოსამსახურეების ცხედრების გაცვლასაც ითვალისწინებს.