ვისურვებდი, რომ ელენეს ეს გადაწყვეტილება არ მიეღო, ამას არ დავმალავ არანაირად, არა მხოლოდ პერსონალური ურთიერთობის გამო, პოლიტიკურადაც, - ასე გამოეხმაურა "ევროპული საქართველოს" ერთ-ერთი ლიდერი გიგა ბოკერია პარტიიდან ელენე ხოშტარიას წასვლის გადაწყვეტილებას.

როგორც ბოკერია აღნიშნავს, მიუხედავად ხოშტარიას ამ გადაწყვეტილებისა, ის "ევროპულ საქართველოსთან" ყველაზე ახლოს მდგომი პირი იქნება.

მან ყოფილ თანაგუნდელს წარმატებები უსურვა.

"გარდა პერსონალური ურთიერთობებისა, პოლიტიკური შეხედულებებითაც, ამ გადაწყვეტილების შემდეგაც, ელენე "ევროპულ საქართველოსთან" ყველაზე უფრო ახლოს მდგომი ფიგურა იქნება, ამიტომ მას წარმატებებს ვუსურვებ, რადგან საერთო ამოცანები და ღირებულებები ჩვენ საერთო გვაქვს", - განაცხადა ბოკერიამ.