ევროპის 8 ქვეყანაში Pfizer/BioNTech-ის ვაქცინის მიწოდება შეყოვნდა

Pfizer/BioNTech-ის ვაქცინის მიწოდება ევროპის 8 ქვეყანაში შეყოვნდა და ამის მიზეზი ვაქცინის შენახვის ტემპერატურასთან დაკავშირებული ლოჯისტიკური პრობლემაა, - ამის შესახებ ესპანეთის ხელისუფლებაში აცხადებენ.

ესპანეთის ჯანდაცვის უწყების ინფორმაციით, მათ ბელგიაში მდებარე Pfizer-ის დამამზადებელი ქარხნიდან მიიღეს შეტყობინება იმის შესახებ, რომ ესპანეთში ვაქცინა ორშაბათის ნაცვლად სამშაბათს ჩავა, რაც გადაზიდვის პროცესში ტემპერატურის კონტროლთან დაკავშირებული პრობლემით არის გამოწვეული.

ესპანეთის ჯანდაცვის სამინისტროს ინფორმაციით, ვაქცინის მიწოდების პროცესი ევროპის კიდევ შვიდ ქვეყანაში შეფერხდა, თუმცა უწყება აღნიშნულ ქვეყნებს არ ასახელებს.

Pfizer-BioNTech-ის ვაქცინისთვის ტრანსპორტირების საკითხი ერთ-ერთი მთავარი გამოწვევაა, ვინაიდან მისი შენახვა დაახლოებით -70 გრადუს ცელსიუსზეა საჭირო. 2-დან 8 გრადუს, ანუ ჩვეულებრივ მაცივრის ტემპერატურაზე მისი შენახვა კი მხოლოდ რამდენიმე დღე არის შესაძლებელი.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა