ბექა დავითულიანი - უნდა განვსაზღვროთ, სახელმწიფო ეკონომიკის აღმდგენი გენერატორის როლს თავის თავზე იღებს, თუ ამ როლს კერძო სექტორს ვაძლევთ?

უნდა განვსაზღვროთ, სახელმწიფო ეკონომიკის აღმდგენი გენერატორის როლს თავის თავზე იღებს, თუ ამ როლს კერძო სექტორს ვაძლევთ? - ამ კითხვით მიმართა პარლამენტის წევრმა, ბექა დავითულიანმა ფინანსთა მინისტრს ივანე მაჭავარიანს პარლამენტის პლენარულ სხდომაზე, სადაც 2021 წლის სახელმწიფო ბიუჯეტის პროექტი განიხილება.

მისივე თქმით, საინტერესოა რამდენადაა გამოკვლეული, სახელმწიფო აქტივების საპრივატიზაციო პოტენციალი.

„ფინანსთა მინისტრის მხრიდან მნიშვნელოვანი აქცენტები იყო დასმული, მათ შორის პანდემიით გამოწვეული კრიზისული ვითარებიდან ქვეყნის გამოყვანისა და პანდემიით გამოწველი მავნე ეფექტის მინიმალიზების საკითხზე. ჩვენ ერთ მნიშვნელოვან საკითხს უნდა მივაქციოთ ყურადღება - პოსტპანდემიურ პერიოდში, როდესაც ეკონომიკა კრიზისიდან სწრაფად ამოსაყვანი და აღსადგენი რა რესურსი გვაქვს, როდესაც გარკვეული ვალდებულებების დაფინანსება ვალით გვიწევს. ჩვენ გვჭირდება, შემოსავლის წყარო და ამ შემოსავლის წყაროსთვის, ალბათ, უნდა განვსაზღვროთ, სახელმწიფო ეკონომიკის აღმდგენი გენერატორის როლს თავის თავზე იღებს, თუ ამ როლს კერძო სექტორს ვაძლევთ? როგორც ჩანს კერძო სექტორისკენ ვიხრებით და რამდენად გვაქვს გამოკვლეული სახელმწიფო აქტივების გასხვისების და საინვესტიციო პაკეტების პოტენციალი? თანხების რა ჯამურ ოდენობაზე შეიძლება ვსაუბრობდეთ? და საბოლოო ჯამში, ეკონომიკის აღდგენისა და შემდგომში წახალისების თვალსაზრისით, სახელმწიფო კომპანიების და მიწების გასხვისება რა ეფექტს მოგვცემს?“,- აღნიშნა დავითულიანმა.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო