რატი იონათამიშვილი - ჩემი მთავარი საზრუნავი ბიუჯეტში ყოველწლიურად შეზღუდული შესაძლებლობის მქონე პირთა საჭიროების ადეკვატური ასახვაა

პარლამენტის წევრის რატი იონათამიშვილის განცხადებით, მისი მთავარი საზრუნავია, ყოველწლიურად ბიუჯეტში შეზღუდული შესაძლებლობის მქონე პირთა საჭიროები ადეკვატურად აისახოს. ამის შესახებ იონათამიშვილმა პლენარულ სხდომაზე განაცხადა, სადაც ბიუჯეტის პროექტზე მსჯელობენ.

მანვე აღნიშნა, რომ ამ მხრივ, წინა მოწვევის პარლამენტში ფინანსთა სამინისტროსთან საკმაოდ ნაყოფიერად მუშაობდა.

„ჩემი მთავარი საზრუნავია ყოველწლიურად შეზღუდული შესაძლებლობის მქონე პირთა საჭიროების ადეკვატური ასახვა ბიუჯეტში. სამართლიანობისთვის უნდა ითქვას, რომ წინა მოწვევის პარლამენტშიც ამ მხრივ ფინანსთა სამინისტროსთან საკმაოდ ნაყოფიერად ვმუშაობდით. ამისი მაგალითია, რომ თუნდაც სოციალური რეაბილიტაციის და ბავშვთა ზრუნვის პროგრამის ბიუჯეტი იმ ოთხი წლის ციკლში თითქმის 80%-ით გაიზარდა და ოცდაორი მილიონი ლარიდან 38 მმილიონ ლარამდე ავიდა. ეს მნიშვნელოვანი პროგრესი იყო. რაც შეეხება ამ მხრივ, ჩემს პოზიციას როდესაც შშმ პირების უფლებებზე ვლაპარაკობთ ჩემთვის პრიორიტეტია დასაქმება, რათა ისინი იყვნენ გადასახადის გადამხდელები და არა პენსიის მიმღები პირები. თუმცა იმ ფონზე, როცა დასაქმების პრობლემებია განსაკუთრებით ეპიდვითარების შემთხვევაში, ეს საკითხები განსაკუთრებით აქტუალურად ჩანს. ცხადია, რომ ანტიკრიზისული გეგმიდან გარკვეულ ჯგუფებზე გაწეული მხარდაჭერა არის მნიშვნელოვანი კომპონენტი, რომლითაც ბალანსდება ასე ვთქვათ სოციალური პაკეტის პოლიტიკის ეს მიმართულებები, თუმცა მე მინდა გთხოვოთ, გარკვეული პერიოდის შემდეგ მივუბრუნდეთ ამ საკითხს, რადგან ეს პროგრამა არის 6-თვიანი დაიწყება იანვრიდან და მთავრდება ივლისში, ამიტომ ჩვენ უნდა გვქონდეს გარკვეული ხედვა ივლისის შემდეგ რას ვაკეთებთ და ვთქვათ რა სერვისებს შევთავაზებთ შშმ პირებს, ამიტომ უნდა მოვუბრუნდეთ ამ თემებს, რომ ივლისში უკვე მზათ ვიყოთ, რომ კონკრეტული ნაბიჯები გადაიდგას“,- განაცხადა იონათამიშვილმა.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით