კოტე კემულარია - მოსახლეობის 67 პროცენტი ვალაუვალია და კატასტროფის წინაშეა

ამხანაგი კახიშვილი ჩემპიონი აღმოჩნდა პლაგიატში, მაგრამ ოღონდ მოქალაქეებს დაეხმარონ და იდეაც მათი იყოს და დივიდენტიც , - ამის შესახებ პოლიტიკური მოძრაობა „ტრიბუნას“ წევრმა კოტე კემულარიამ განაცხადა.

როგორც კოტე კემულარია აცხადებს, მცირე ბიზნესი დაკეტილია და "სულს ღაფავს" ბავშვები, სოციალურად დაუცველები კი შიმშილობენ.

„ საახალწლო სასწაულები გრძელდება... ახლა დეპუტატ კახიშვილს დაემართა გამონათება და კოლეგებს მიმართა, “ბანკები თუ სასწრაფოდ ფორსმაჟორს არ გაითვალისწინებენ ბიზნესის მიმართ, ეკონომიკაც დაინგრევა და ქვეყანაცო, მათ ბიზნესს შეღავათები უნდა დაუწესონ და ნაკლებ მოგებას უნდა დასჯერდნენო. ეს სამართლიანი მიდგომა არის, მაგრამ დავიჯერო ამხანაგმა კახიშვილმა არ იცის, რომ - "ქართუ", "საქართველოს ბანკი", "ლიბერთი" და სხვა მსხვილმასშტაბიან საკრედიტო ინსტიტუტებში ბიძინას პირდაპირი ინტერესებია? გამოდის ის ბიძინას მიმართავს ამ მოთხოვნით? მაშინ, ყოჩაღ. დაამატეთ ამას მოსახლეობის 67პროცენტი ეროვნული ბანკის მონაცემებით, რომელსაც 36-40 პროცენტიანი კრედიტების გამო მთელი ქონება აქვთ დაკარგული. მათ ყველაზე მეტად სჭირდებათ შეღავათები და ფორსმაჟორის გათვალისწინება. დეპუტატი დავით ჭიჭინაძე წლები იბრძოდა ამ მოთხოვნით პარლამენტში. ამის გამო ის "ოცნებიდან" გარიცხეს. პლაგიატში ჩემპიონური სვლა იყო. ოღონდ გაჭირვებაში ჩავარდნილ მოქალაქეებს და მცირე ბიზნესს დაუდექით გვერდით და იდეაც თქვენი იყოს და დივიდენდიც. ორი დღის წინ ამხანაგი გვენეტაძე დეპუტატებს გამშვიდებდათ - ჩვენ, ბანკირები კარგად ვართო. მაშინ კითხვა არავის გასჩენია,რომ მოსახლეობის 67 პროცენტი ვალაუვალია და კატასტროფის წინაშე არის. მცირე ბიზნესი დაკეტეს და სულს ღაფავს, ბავშვები , სოციალურად დაუცველები შიმშილობენ. ამ დროს ბანკები, “მოტენდერე” ჩინოვნიკები, ასტრონომიულ მოგებებში ცურავენ და “კარგად არიან”. კარგია, თუ მიხვედრას იწყებთ, რომ სერიოზული ცვლილებების გარეშე, ახალი არჩევნები მაქვს მხედველობაში, “ეკონომიკაც დაინგრევა და ქვეყანაც",- განაცხადა კოტე კემულარიამ.

კოტე კემულარიას კომენტარს, "ტრიბუნას" პრესსამსახური ავრცელებს.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს