დავით ნარმანია რამდენიმე ფაქტორს ასახელებს, რამაც ელექტროენერგეტიკის სექტორში ტარიფების ზრდა გამოიწვია

სემეკის თავმჯდომარის დავით ნარმანიას განცხადებით, ელექტროენერგეტიკის სექტორში ტარიფის ზრდა რამდენიმე ფაქტორმა გამოიწვია, უპირველესი ფაქტორი კი არის პანდემიური სიტუაციიდან გამომდინარე მოხმარების შემცირება.

როგორც დავით ნარმანიამ „პალიტრანიუსის“ გადაცემა „რეზიუმეში“ განაცხადა, ამ პროცესზე გავლენა იქონია ლარის კურსმაც, თუმცა ის არ ყოფილა ტარიფის ზრდის გადამწყვეტი მიზეზი.

„რამდენიმე ფაქტორია, რომელმაც ელექტროენერგეტიკის სექტორში გამოიწვია ტარიფების ზრდა, თუმცა იყო რამდენიმე ფაქტორი, რომელმაც, პირიქითაც იმოქმედა, თუმცა ის ფაქტორები, რომლებიც ზრდას აპროვოცირებენ, იყო გაცილებით უფრო მაღალი და უფრო წონადი. მე რამდენიმე მათგანს ჩამოგითვლით: პირველ რიგში, ეს არის 2020 წელს შემცირებული მოხმარება გამომდინარე პანდემიური სიტუაციიდან, მეორე მნიშვნელოვანი ფაქტორი არის ცუდი ჰიდროლოგია, 2019-2020 წლების განმავლობაში, როდესაც უფრო მშრალი სეზონი იყო და ნალექები იყო დაბალი, ჰიდროსადგურებმა, როგორიც არის „ენგურჰესი“ და სხვა რეგულირებადი ჰიდროელექტროსადგურები, ვერ გამოიმუშავეს იმ ოდენობის ენერგია, რომელიც კალათაში იყო გათვალისწინებული და შესაბამისად, იაფიანი ჰიდრორესურსები ჩაანაცვლა შედარებით უფრო ძვირიანმა რესურსებმა, როგორიც არის თბოსადგურების ენერგია, იმპორტირებული ენერგია და ა.შ. რაც შეეხება იმპორტირებულ ენერგიას, ამ შემთხვევაში, უკვე შემოდის სავალუტო კურსი. რა თქმა უნდა, წინა ტარიფი დადგენილი იყო 2,5 ლარის კურსზე, ახალი ტარიფის დადგენისთვის ჩვენ ბიუჯეტის პროექტში არსებული კურსი ავიღეთ, აქედან გამომდინარე, რა თქმა უნდა, ვალუტის კურსიც გარკვეულ მონაწილეობას იღებს. მთავარი ფაქტორი ეს არ იყო, თუმცა ფაქტორების ხუთეულში ნამდვილად შედის“, - განაცხადა დავით ნარმანიამ.

მისივე თქმით, თუ ის პარამეტრები, რომლებიც სემეკმა დაადგინა შენარჩუნებული იქნება, ტარიფის რაიმე სახის ზრდას შემდეგ თვეებში არ უნდა ველოდოთ.

„მარეგულირებელმა კომისიამ დაადგინა 5-წლიანი ტარიფი ქსელურ ნაწილში ანუ განაწილების ნაწილში „თელასისა“ და „ენერგო-პროსთვის“. გარდა ამისა, 6 თვით ჩვენ დღეს დავადგინეთ სამომხმარებლო ტარიფიც და ეს დაკავშირებულია მხოლოდ და მხოლოდ ერთ ფაქტორთან და ეს არის ბაზრის გახსნა, იცით თქვენ, რომ მომდევნო წლის პირველი ივლისიდან ელექტროენერგიის ბირჟა შედის მოქმედებაში და შესაბამისად, ასევე საკანონმდებლო ცვლილებებიდან გამომდინარე, „თელასი“ და „ენერგო-პრო“ არ იქნებიან ერთადერთი მიმწოდებლები. ცალკე გამოიყოფა ელეტროენერგიის მიწოდების ნაწილი, ამდენად ჩვენ ზაფხულში მოგვიწევს ამ ტარიფის მეორე კომპონენტის დადგენა, თუმცა ეს ზრდის მაპროვოცირებელი არ იქნება“, - განაცხადა ნარმანიამ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე