„რეპორტიორები საზღვრებს გარეშე“ - 2020 წელს მსოფლიოში სამსახურებრივი მოვალეობის შესრულებისას 50 ჟურნალისტი მოკლეს

საერთაშორისო ორგანიზაცია „რეპორტიორები საზღვრებს გარეშე“ ყოველწლიურ ანგარიშს აქვეყნებს, რომლის თანახმად, 2020 წელს მსოფლიოში 50 ჟურნალისტი მოკლეს სამსახურებრივი მოვალეობის შესრულებისას.

ანგარიშის მიხედვით, ჟურნალისტების უმეტესი ნაწილი იმ ქვეყნებში მოკლეს, სადაც მშვიდობაა.

„გარდაცვლილი ჟურნალისტების 68% მოკლეს იმ ქვეყნებში, სადაც ომი არ არის, ეს არის სამწუხარო ტენდენცია, რომელიც ბოლო წლებში შეინიშნება. ეს აჩვენებს, რომ ჟურნალისტები ხშირად არა ომის, არამედ მათი გამოძიების და მათი მხრიდან ხელისუფლებისთვის უსიამოვნებების შექმნის გამო ხდებიან სამიზნენი“, - ნათქვამია ანგარიშში.

ანგარიშის მიხედვით, ჟურნალისტებისთვის ყველაზე სახიფათო გარემო მექსიკაშია, სადაც 2020 წელს 8 ჟურნალისტი მოკლეს, შემდეგ არის ერაყი - 6 მოკლული ჟურნალისტით, ავღანეთი - 5 მოკლული ჟურნალისტით, პაკისტანი - 4 და ინდოეთი - 4 მოკლული ჟურნალისტით. 2020 წელს 7 ჟურნალისტი დაიღუპა საპროტესტო აქციების გაშუქებისას.

აღსანიშნავია, რომ ბოლო წლებში აქციებზე ჟურნალისტების მკვლელობის ზრდის ტენდენციაც შეინიშნება. გასულ წელს ორგანიზაციამ „რეპორტიორები საზღვრებს გარეშე“ მსოფლიოში სამსახურებრივი მოვალეობის შესრულებისას ჟურნალისტების მკვლელობის 53 ფაქტი აღრიცხა. ორგანიზაციის მონაცემებით, მსოფლიოში საკუთარი საქმიანობის გამო 387 ჟურნალისტია დაკავებული. ანგარიშის თანახმად, ბოლო 10 წელიწადში სულ 937 ჟურნალისტი მოკლეს.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან