ანა დოლიძე - დენის გაძვირება პირდაპირ აისახება მშრომელ ხალხზე და სოციალურ აფეთქებამდე მიგვიყვანს

მოძრაობა „ხალხისთვის“ ლიდერის, ანა დოლიძის შეფასებით, დენის ტარიფის გაძვირება პირდაპირ გავლენას მოახდენს მშრომელ ხალხსა და საშუალო ფენაზე, რომელიც საბოლოოდ ქვეყანას სოციალურ აფეთქებამდე მიიყვანს.

„დენის, ისე როგორც პირველადი მოხმარების პროდუქტის ფასის ზრდა, გამოიწვევს თითქმის ყველა პროდუქტის გაძვირებას და ამას გარდა, იმ ფენის უფრო მეტად გაღარიბებას, რომელიც ისედაც სულს ღაფავს. ადამიანებს, რომლებსაც ჰყავთ ავტომობილები, აქვთ დიდი სახლები, არ განიცდიან თუნდაც რამდენიმე თეთრით პურის ან დენის გაძვირებას, მაგრამ სამომხმარებლო პროდუქტებზე ფასების გაზრდა, პირდაპირ ახდენს გავლენას მშრომელ ხალხსა და საშუალო ფენაზე, რომელიც ისედაც სულს ღაფავს. შედეგად, გაზაფხულზე ჩვენ უნდა ველოდოთ სერიოზულ სოციალურ აფეთქებას“, - განაცხადა ანა დოლიძემ.

მისი თქმით, აღნიშნულ სიტუაციაში დენის გადასახადის სუბსიდირება გამოსავალი ვერ იქნება, მით უფრო, რომ უკვე ცხადია, ბიუჯეტში ხელახალი სუბსიდირების პროგრამისთვის თანხები აღარ არის.

„ჩვენს ხელისუფლებას უკვე უზარმაზარი საგარეო ვალი აქვს. მათი უპასუხისმგებლო და კორუფციული მმართველობის გამო, რომელიც კოვიდპანდემიის დროს გამოავლინეს, გვაქვს ვალები, რომელსაც ხელისუფლება იღებს საერთაშორისო ორგანიზაციებიდან და რომელიც ჩვენ და ჩვენმა შვილებმა უნდა გავისტუმროთ. მათ შეიძლება სცადონ კიდევ ერთხელ მოგვყიდონ არგუმენტი, რომ სხვადასხვა სუბსიდიების მეშვეობით, შეძლებენ ადამიანებს შეუმსუბუქონ ცხოვრება. სინამდვილეში, ეს ვალებიც ჩვენი გასასტუმრებელია და ბიუჯეტში რომ ხელახალი სუბსიდირების პროგრამის საშუალება არ არის, ეს უკვე ცხადია. იმდენად დიდ ვალში ჩააგდეს ჩვენი ქვეყანა, თავად „ქართული ოცნების“ წევრებიც კი გაკვირვებულები და შეშფოთებულები არიან“, - აღნიშნა ანა დოლიძემ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა