აშშ-ში გასული დღე-ღამის განმავლობაში კორონავირუსს კიდევ 3 708 ადამიანის სიცოცხლე ემსხვერპლა, რაც რეკორდულად მაღალი დღიური მაჩვენებელია პანდემიის დაწყების დროიდან, - შესაბამის ინფორმაციას CNN-ი „ჯონს ჰოპკინსის უნივერსიტეტზე“ დაყრდნობით ავრცელებს.

ამავე მონაცემების თანახმად, აშშ-ში კოვიდ 19-ით დაღუპულთა საერთო რაოდენობა 338 544-ია.

ამასთან, ქვეყანაში გასული 24 საათის განმავლობაში 124 686 კოვიდინფიცირებულს დასჭირდა ჰოსპიტალიზაცია, რაც ქვეყნისთვის ასევე რეკორდულად მაღალი მაჩვენებელია.