გერმანიაში, ბოლო 24 საათის განმავლობაში, კორონავირუსის 22 459 ახალი შემთხვევა დადასტურდა და ინფიცირებულთა საერთო რაოდენობა 1 687 185-მდე გაიზარდა,- ამის შესახებ ინფორმაციას Reuters-ი „რობერტ კოხის ინსტიტუტზე“ დაყრდნობით ავრცელებს. მათივე ინფორმაციით, ქვეყანაში ვირუსს კიდევ 1 129 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 32 107-ს მიაღწია.

შეგახსენებთ, გერმანიაში ინფიცირების შემთხვევების შემცირების მიზნით მკაცრი „ლოქდაუნი“ მოქმედებს. ქვეყანაში Pfizer/BioNTech-ის კორონავირუსის საწინააღმდეგო ვაქცინის გამოყენებით მოსახლეობის ვაქცინაციის პროგრამა ხორციელდება.