2020 წელს ნაძალადევის რაიონში გზის საფარი 60 000 კვ.მ ფართობზე მოწესრიგდა

მიმდინარე წლის განმავლობაში, ნაძალადევის რაიონში საგზაო სამუშაოები 110 მისამართზე შესრულდა. როგორც "ინტერპრესნიუსს" ნაძალადევის გამგეობიდან აცნობეს, ასფალტისა და ბეტონის საფარი ჯამში, 60 000 კვ.მ ფართობზე მოეწყო. საგზაო ინფრასტრუქტურის მოწესრიგებისთვის ნაძალადევის რაიონის გამგეობამ წელს 3,5 მილიონი ლარი დახარჯა.

მათივე განმარტებით, ერთ-ერთი მნიშვნელოვანი პროექტი ლოტკინის დასახლებაში, გეგუთის ქუჩაზე განხორციელდა, სადაც გზის რეაბილიტაცია სრულდება. გეგუთის ქუჩასა და ზეკარის ქუჩის დაზიანებულ მონაკვეთზე 340 გრძივ მეტრზე სანიაღვრე ქსელი მოეწყო და ასფალტის ორფენიანი საფარი დაიგო, ასევე, ქუჩის დიდ ნაწილზე მოეწყო ბორდიური და ტროტუარი. საგზაო ინფრასტრუქტურა ჯამში, 6 000 კვ.მ ფართობზე მოწესრიგდა.

ბოლო ეტაპის საგზაო სამუშაოებს ნაძალადევის რაიონის გამგებელი ირაკლი ხელაძე გაეცნო.

„წელს ნაძალადევის რაიონის გამგეობამ 110 მისამართზე მოახერხა საგზაო სამუშაოების შესრულება. ბევრი პრობლემა მოგვარდა, თუმცა კიდევ ბევრ ქუჩაზეა საგზაო ინფრასტრუქტურა მოსაწესრიგებელი, რაც უკვე 2021 წლის გეგმებში შედის. კონკრეტულად, გეგუთის ქუჩაზე ათეულობით წლებია გზის რეაბილიტაცია არ განხორციელებულა. აქ არ არსებობდა სანიაღვრე სისტემა და ამორტიზებული იყო გზის საფარი, რის გამოც ფეხითმოსიარულეებს და ავტომანქანის მძღოლებს გადაადგილების პრობლემა ექმნებოდათ. დღეიდან მოქალაქეები სრულად კეთილმოწყობილი გზით ისარგებლებენ“, - განაცხადა ირაკლი ხელაძემ.

აღნიშნული პროექტის განსახორციელებლად ნაძალადევის რაიონის გამგეობამ ბიუჯეტიდან 440 000 ლარი გამოყო.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან