რაგბის კავშირის პრეზიდენტად ირაკლი აბუსერიძე აირჩიეს

სარაგბო კლუბ ლოკომოტივის სამწვრთნელო ბაზაზე საქართველოს რაგბის კავშირის პრეზიდენტის არჩევნები დასრულდა. მომდევნო 4 წლის განმავლობაში რაგბის კავშირს ირაკლი აბუსერიძე უხელმძღვანელებს.

ირაკლი აბუსერიძეს მხარი დელეგატთა უმრავლესობამ 31 ხმით დაუჭირა. 10 ხმა მიიღო რაგბის კავშირის ყოფილმა პრეზიდენტმა გოჩა სვანიძემ, მესამე კანდიდატმა ბაჩო ხურციძემ კი - 0 ხმა.

ბაჩო ხურციძის თქმით, არჩევნები არალეგიტიმურია და შედეგების გასაჩივრებას აპირებს.

,,მინდა მადლობა გადავუხადო ჩემს ოპონენტებს, მხარდამჭერებს და იმ ადამიანებსაც, ვინც მხარი არ დამიჭირა. გაიმარჯვა ერთიანობამ, გუნდურობამ, მორაგბეებმა და იმედი მაქვს ჩვენი თანამშრომლობა ყველასთან ამ სულისკვეთებით გაგრძელდება. ყველასთან მზად ვარ თანამშრომლობისთვის. თუ ვერ შევინარჩუნეთ ერთიანობა პირველ რიგში, ქართული რაგბი დაზიანდება, ამიტომ იმედს ვიტოვებ, რომ ყველა მზად იქნება მომავალი მუშაობისთვის. არჩევნებს ყოველთვის თან ახლავს დაძაბულობა, ყველას შევხვდებით და რაც ქართული რაგბისთვის უკეთესი იქნება იმ გზით წავალთ“, - აღნიშნა ირაკლი აბუსერიძემ.

რაგბის კავშირის ყოფილი პრეზიდენტის, გოჩა სვანიძის თქმით, ირაკლი აბუსერიძის არჩევით აბსოლუტურად ლოგიკური და კანონზომიერი შედეგი დადგა.

,,დადგა აბსოლუტურად ლოგიკური და კანონზომიერი შედეგი, მოგება და წაგება არ არის მთავარი. მე არასდროს არ ვყოფილვარ დამოუკიდებელი კანდიდატი, ყოველთვის ვიყავი გუნდის წარმომადგენელი და 4 წლის განმავლობაში ვხელმძღვანელობდი რაგბის კავშირს, რომ რაგბის ავტონომია შემენარჩუნებინა. დღეს რაგბის ავტონომია ისევ დგას საფრთხის ქვეშ და ირაკლი აბუსერიძეს მოუწევს ამ ტვირთის ტარება. მინდა მას ვუსურვო წარმატება და შეძლებისდაგვარად გვერდში დავუდგეთ. თუ რაიმეს გაკეთება შემეძლება იმისთვის, რომ რაგბი განვითარდეს რა თქმა უნდა, თანამშრომლობას არცერთ კანდიდატთან არ დავიზარებ. გული მტკივა, რომ ბაჩო ხურციძე ბოიკოტის რეჟიმში გადავიდა, მას ნამდვილად ბევრი რაღაცის გაკეთება შეუძლია რაგბისთვის და დიდი პოტენციალი აქვს“, - განაცხადა გოჩა სვანიძემ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე