ისნის რაიონში მცხოვრებ 100 ოჯახს საახალწლო ნობათი გადაეცა
თბილისის საკრებულოს, ისნის რაიონის მაჟორიტარი წევრის ლევან დავითაშვილის ინიციატივით ვაზისუბანსა და მე-8 ლეგიონში მცხოვრებ სოციალურად დაუცველ მრავალშვილიან ოჯახებს საახალწლო ნობათი გადაეცათ. ამის შესახებ ინფორმაციას თბილისის საკრებულოს პრესსამსახური ავრცელებს.
მათივე ცნობით, ლევან დავითაშვილი მოსახლეობას ისნის რაიონის დეპუტატ, პარლამენტის წევრ კახა კახიშვილთან და ამავე რაიონის გამგებელ კახა ლაბუჩიძესთან ერთად სტუმრობდა.
„ლევან დავითაშვილი მოსახლეობას ისნის რაიონის დეპუტატ, პარლამენტის წევრ კახა კახიშვილთან და ამავე რაიონის გამგებელ კახა ლაბუჩიძესთან ერთად სტუმრობდა. როგორც საკრებულოს დეპუტატმა აღნიშნა, ქვეყანაში არსებული ეპიდემოლოგიური ვითარების გათვალისწინებით მოსახლეობის მხარდაჭერა განსაკუთრებით მნიშვნელოვანია.
,,კორონავირუსით გამოწვეული პანდემია ჩვენი დროის გლობალური პრობლემაა, რომელმაც მსოფლიო მოიცვა. სწორედ ამ ეპიდემიოლოგიურ ვითარებაში ყველაზე მეტად გვჭირდება ერთმანეთის თანადგომა და სოლიდარობა.
დღეს ვაზისუბანსა და მე-8 ლეგიონში მცხოვრებ სოციალურად დაუცველ მრავალშვილიან ოჯახებსა და ხანდაზმულ მოქალაქეებს ვესტუმრეთ. მათ საახალწლო ნობათები გადავეცით და დამდეგი შობა-ახალი წელი მივულოცეთ. მინდა თითოეულ მათგანს ჯანმრთელობა, დღეგრძელობა ვუსურვო. ვიმედოვნებ, რომ პანდემია უახლოეს მომავალში დასრულდება და ყველანი ერთად ცხოვრების ჩვეულ რიტმს დავუბრუნდებით", - განაცხადა ლევან დავითაშვილმა.
