აზერბაიჯანში ბოლო 24 საათის განმავლობაში კოვიდ-19-ის 1 064 ახალი შემთხვევა გამოვლინდა, 32 პაციენტი კი გარდაიცვალა. შესაბამის ინფორმაციას აზერბაიჯანული მედია ქვეყნის ოპერატიულ შტაბზე დაყრდნობით ავრცელებს.

ამასთან, ქვეყანაში გასული დღე-ღამის განმავლობაში ვირუსისგან 4 127 ადამიანი გამოჯანმრთელდა.

აზერბაიჯანში, პანდემიის დაწყებიდან დღემდე, კორონავირუსის 218 700 შემთხვევაა გამოვლენილი, მათ შორის ვირუსს 2 641 ადამიანის სიცოცხლე ემსხვერპლა, გამოჯანმრთელებულთა რაოდენობა კი 184 422-ს შეადგენს.