აზერბაიჯანში ბოლო 24 საათის განმავლობაში კოვიდ-19-ის 421 ახალი შემთხვევა გამოვლინდა, 33 პაციენტი კი გარდაიცვალა. შესაბამის ინფორმაციას აზერბაიჯანული მედია ქვეყნის ოპერატიულ შტაბზე დაყრდნობით ავრცელებს.

ამასთან, ქვეყანაში გასული დღე-ღამის განმავლობაში ვირუსისგან 3 645 ადამიანი გამოჯანმრთელდა.

აზერბაიჯანში, პანდემიის დაწყებიდან დღემდე, კორონავირუსის 219 462 შემთხვევაა გამოვლენილი, მათ შორის ვირუსს 2 703 ადამიანის სიცოცხლე ემსხვერპლა, გამოჯანმრთელებულთა რაოდენობა კი 191 925-ს შეადგენს.