აშშ-ის მოქმედი ვიცე-პრეზიდენტი, მაიკ პენსი სენატორების ჯგუფის მიერ რამდენიმე შტატში სპეციალური კომისიის შექმნის მოთხოვნას მიესალმება.
„მაიკ პენსი სენატის წევრების მიერ მათი კანონიერი უფლების გამოყენებას მიესალმება, რათა კონგრესმა და ამერიკელმა ხალხმა მტკიცებულებები იხილონ“ , -განაცხადა პენსის შტაბის უფროსმა მარკ შორტმა.
იქამდე კი გავრცელდა ინფორმაცია, რომ 11 ამერიკელი სენატორი სპეციალური კომისიის შექმნას ითხოვს, რომელიც არჩევნების შედეგების კანონიერებას შეისწავლის. ისინი აცხადებენ, რომ არ აპირებენ 6 იანვარს კონგრესში კენჭისყრაზე საარჩევნო კოლეგიის მიერ სერტიფიცირებული შემაჯამებელი ოქმების დამტკიცებას, იქამდე სანამ არჩევნებზე დაფიქსირებულ თითოეულ დარღვევას არ გამოიძიებენ. აღსანიშნავია, რომ აშშ-ის წარმომადგენელთა პალატაში უმრავლესობას დემოკრატები ფლობენ, რის გამოც სენატორები ბაიდენის გამარჯვებას ხელს ვერ შეუშლიან.