აშშ-ის თავდაცვის ყოფილი მდივნები - ჩვენი არჩევნები შედგა, შედეგების კითხვის ნიშნის ქვეშ დაყენების დრო გავიდა

აშშ-ის თავდაცვის ათი ყოფილი მდივანი ღია წერილს აქვეყნებს, სადაც აღნიშნულია, რომ შეერთებულ შტატებში 3 ნოემბერს ჩატარებული საპრეზიდენტო არჩევნები შედგა და საარჩევნო კოლეგიის ხმების ოფიციალურად დათვლის დრო მოვიდა.

„ჩვენი არჩევნები შედგა. ხმების გადათვლა და გადამოწმება ჩატარდა. სასამართლოებმა საჩივრები სათანადოდ და კეთილსინდისიერად განიხილეს. გუბერნატორებმა არჩევნების შედეგები დაამოწმეს და საარჩევნო კოლეგიამ კენჭისყრა გამართა. შედეგების კითხვის ნიშნის ქვეშ დაყენების დრო გავიდა და საარჩევნო კოლეგიის ხმების ოფიციალურად დათვლის დრო დადგა, როგორც ეს გათვალისწინებულია კონსტიტუციითა და კანონით“, - ნათქვამია წერილში.

თავდაცვის ყოფილი მდივნები მიიჩნევენ, რომ შეიარაღებული ძალების საარჩევნო დავების მოგვარებაში ჩართვის მცდელობა ქვეყანას სახიფათო, უკანონო და არაკონსტიტუციურ წერტილამდე მიიყვანს.

„აშშ-ს შეიარაღებული ძალების საარჩევნო დავების მოგვარებაში ჩართვის მცდელობა სახიფათო, უკანონო და არაკონსტიტუციურ ნიადაგამდე მიგვიყვანს. სამოქალაქო და სამხედრო ჩინოვნიკები, რომლებიც გასცემენ ბრძანებას ან ახორციელებენ ამგვარ ზომებს, პასუხისმგებელნი იქნებიან, მათ შორის სისხლის სამართლის სანქციებით, იმ სერიოზული შედეგებისთვის, რაც მათ ქმედებების ჩვენი რესპუბლიკისთვის მოაქვს,“ - აღნიშნულია წერილში.

ამასთან, თავდაცვის ყოფილი მდივნები მოუწოდებენ თავდაცვის მდივნის მოვალეობის შემსრულებელს კრისტოფერ მილერს და თავდაცვის დეპარტამენტის ყველა წარმომადგენელს, ხელი შეუწყონ ხელსუფლების გადაბარების პროცესს.

„მათ თავი უნდა შეიკავონ ნებისმიერი პოლიტიკური ქმედებისგან, რომელიც ძირს უთხრის არჩევნების შედეგებს ან ახალი გუნდის წარმატების კომპრომეტირებას ახდენს,“ - აღნიშნავენ თავდაცვის ყოფილი მდივნები.

წერილს ხელს აწერენ : ეშტონ კარტერი, ლეონ პანეტა, უილიამ პერი, დიკ ჩეინი, უილიამ კოენი, დონალდ რამსფელდი, რობერტ გეითსი, ჩაკ ჰეიგელი, ჯეიმს მატისი და მარკ ესპერი.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 29.07.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან