იაპონიის მთავრობა, კორონავირუსის შემთხვევების მკვეთრი ზრდის გამო, ტოკიოს რეგიონის უმეტეს ნაწილში საგანგებო მდგომარეობის შემოღების საკითხს განიხილავს, - მედიის ინფორმაციით, ამის შესახებ იაპონიის პრემიერ-მინისტრმა იოშიჰიდე სუგამ განაცხადა.
საგანგებო მდგომარეობის გამოცხადებისკენ ქვეყნის მთავრობას ტოკიოს მერმა იურიკო კოიკემ და კანაგავას, ჩიბასა და საიტამის პრეფექტურების გუბერნატორებმა მოუწოდეს. იოშიჰიდე სუგას ადმინისტრაცია დიდი სიფრთხილით ეკიდება ნებისმიერი შეზღუდვის დაწესებას, რამაც, შესაძლოა, იაპონიის ეკონომიკას, რომელიც სიდიდით მესამე ადგილზეა მსოფლიოში, ზიანი მიაყენოს.