ჯანმო-ს წარმომადგენელი - შობა-ახალი წლის პერიოდში ადამიანების ქცევა 2021 წლის პირველ სამ თვეს საკმაოდ რთულს გახდის

ჯანდაცვის მსოფლიო ორგანიზაციის კორონავირუსზე რეაგირების ტექნიკური ხელმძღვანელის, მარია ვან კერხოვეს განცხადებით, მიუხედავად იმისა, რომ კორონავირუსის წინააღმდეგ ვაქცინაცია დაწყებულია, 2021 წელი ვირუსის გავრცელების კუთხით რთული იქნება.

„ვფიქრობ, წინ რთული წელი გველის და მოთმინება უნდა გამოვიჩინოთ“, - აღნიშნა ჯანმო-ს წარმომადგენელმა.

მისივე თქმით, განსაკუთრებით რთული წლის პირველი ნახევარი იქნება, ვინაიდან ბევრ ქვეყანაში მოქალაქეებმა არ გაითვალისწინეს რჩევა შობა-ახალი წლის პერიოდში შინ დარჩენასთან დაკავშირებით.

„შობა-ახალი წლის პერიოდში ხალხის მოძრაობა და ქცევა 2021 წლის პირველ სამ თვეს ვირუსის გავრცელების, ჰოსპიტალიზაციისა და სიკვდილიანობის მაჩვენებლის გაზრდის კუთხით საკმაოდ გაართულებს,”- აღნიშნა მარია ვან კერხოვემ.

მისი განმარტებით, ვაქცინაციის დაწყება პრობლემას სწრაფად ვერ გადაჭრის და 2021 წლის განმავლობაში მოქალაქეებს პირბადეების ტარება, სოციალური დისტანციის დაცვა და ხალხმრავლობისგან თავიდან აცილება კვლავ მოუწევთ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა