Reuters - ირანმა 20%-მდე გამდიდრებული ურანის წარმოება დაიწყო

ირანმა 20%-მდე გამდიდრებული ურანის წარმოება დაიწყო, - Reuters-ის ინფორმაციით, ამის შესახებ ირანის მთავრობაში დღეს განაცხადეს.

”რამდენიმე წუთის წინ, ფორდოუს საწვავის გამდიდრების კომპლექსში 20% -მდე გამდიდრებული ურანის წარმოების პროცესი დაიწყო”,- აღნიშნა მთავრობის პრესსპიკერმა ალი რაბეიმ.

რამდენიმე დღის წინ ატომური ენერგიის საერთაშორისო სააგენტომ გაავრცელა ინფორმაცია, რომ ირანმა მათ ოფიციალური წერილი გაუგზავნა, სადაც აღნიშნული იყო, რომ „ფორდოუს საწვავის გამდიდრების ქარხანაში“ ურანის გამდიდრება დაიწყებოდა, თუმცა ზუსტი თარიღი მითითებული არ ყოფილა. 2015 წელს გაფორმებული ბირთვული შეთანხმების მიხედვით, ურანის გამდიდრების ზედა ზღვარი 3.67%-ია. შეთანხმებას აშშ-მ, ირანმა, ჩინეთმა, საფრანგეთმა, გერმანიამ, რუსეთმა და დიდმა ბრიტანეთმა მოაწერეს ხელი.

აშშ-მ 2018 წელს შეთანხმება ცალმხრივად დატოვა და ირანს მკაცრი ეკონომიკური სანქციები ხელახლა დაუწესა. ირანმა 2019 წელს შეთანხების პირობა დაარღვია და ურანი 4.5%-მდე გაამდიდრა. მიმდინარე წლის დეკემბრის დასაწყისში ირანის პარლამენტმა მიიღო კანონი, რომელიც მთავრობას ავალდებულებს, ურანის 20% -მდე გამდიდრება განაახლოს და ასევე დაბლოკოს გაეროს მიერ ბირთვული ობიექტების შემოწმება იმ შემთხვევაში, თუკი ქვეყნის წინააღმდეგ დაწესებული სანქციები ორ თვეში არ შემსუბუქდება. 3-5%-ით გამდიდრებული ურანი ბირთვული ელექტროსადგურებისთვის საწვავის წარმოების მიზნით გამოიყენება, 20%-მდე გამდიდრებული ურანი კი - კვლევით ბირთვულ რეაქტორებში, თუმცა, ის მნიშვნელოვნად დაბალი ხარისხისაა 90%-მდე გამდიდრებულ ურანთან შედარებით, რომელიც ბირთვული იარაღის შესაქმნელადაა საჭირო.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე