საბერძნეთის ეკლესიის სინოდი ხელისუფლებისგან მოითხოვს, ნათლისღების დღესასწაულზე ტაძრები გახსნას

ელადის მართლმადიდებელი ეკლესიის წმინდა სინოდი საბერძნეთის ხელისუფლებისგან მოითხოვს, დაიცვას შეთანხმება და ნათლისღების დღესასწაულისთვის ეკლესიები გახსნას.

დღევანდელ რიგგარეშე სხდომაზე ათენისა და სრულიად საბერძნეთის მთავარეპისკოპოსმა იერონიმემ, სინოდის სხდომაზე მღვდელმთავრებთან ერთად განიხილა მთავრობის განცხადებები, რომლებიც უკავშირდება ნათლისღების დღესასწაულზე ტაძრების დახურვას, როგორც კორონავირუსის წინააღმდეგ ბრძოლის ზომას.

წმინდა სინოდმა საკითხის განხილვის შედეგად, ერთხმად დაადგინა, რომ არ ეთანხმება მთავრობის ახალ ზომებს და დაჟინებით მოითხოვს, შესრულდეს ის, რაც თავდაპირველად შეთანხმდა ხელისუფლებასთან, რომ ტაძრები დარჩეს ღია, რათა მორწმუნეებმა მონაწილეობა მიიღონ საღმრთო ლიტურგიაში და წყლის კურთხევაში.

სინოდმა წერილი გაუგზავნა მთავრობას და მიაჩნია, რომ დიალოგი უნიკალური საშუალებაა საკითხების გადასაჭრელად, რომლებიც ეხება სახელმწიფოსა და რელიგიურ თემებს შორის ურთიერთობას საბერძნეთში.

2 იანვარს საბერძნეთის მთავრობამ განაცხადა, რომ მთელი ქვეყნის მასშტაბით საკარანტინე ზომებს ამკაცრებს, რომელიც 11 იანვრამდე გაგრძელდება, რათა სკოლები უსაფრთხოდ გაიხსნას. 3 იანვრიდან ტაძრები დახურულია მომლოცველებისთვის და შესაბამისად, ვერ მოხდება წყლის კურთხევა ნათლისღების დღესასწაულზე, რომელსაც საბერძნეთის ეკლესია 6 იანვარს აღნიშნავს.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით