ინგლისში საყოველთაო კარანტინის რეჟიმი ამოქმედდება

ინგლისში დღეიდან ახალი საყოველთაო „ლოქდაუნი“ ამოქმედდება, რომელიც სულ მცირე თებერვლის შუა რიცხვებამდე გაგრძელდება, - შესაბამისი განცხადება გაერთიანებული სამეფოს პრემიერ-მინისტრმა ბორის ჯონსონმა გააკეთა.

ახალი შეზღუდვების თანახმად, მოქალაქეები ვალდებულები არიან სახლში დარჩნენ და აუცილებელი შემთხვევების გარდა საცხოვრებელი არ დატოვონ.

ამასთან, სკოლები და კოლეჯები იხურება და სწავლა დისტანციურ რეჟიმში გაგრძელდება. რესტორნებს შეუძლიათ მომხმარებლებს საკვების მიწოდების სერვისით მოემსახურონ. იხურება გოლფის მოედნები, ტენისის კორტები და ღია ტიპის სპორტდარბაზები.

ახალ შეზღუდვებზე საუბრისას ბორის ჯონსონმა განაცხადა, რომ მომავალი კვირები ურთულესი იქნება. მისი განმარტებით, კორონავირუსის ახალი, უფრო გადამდები ვარიანტი სწრაფად ვრცელდება და მის შესაჩერებლად დაუყოვნებელი მოქმედებაა საჭირო.

პრემიერ-მინისტრმა იმედი გამოთქვა, რომ ქვეყანა კორონავირუსის წინააღმდეგ ბრძოლის ბოლო ფაზაში შედის.

ცნობისათვის, გაერთიანებულ სამეფოში, გასული დღე-ღამის განმავლობაში კორონავირუსის 58 784 ახალი შემთხვევა გამოვლინდა და 407 ადამიანი გარდაიცვალა. ქვეყანაში, პანდემიის დაწყების დროიდან, კორონავირუსით, საერთო ჯამში, 2 713 563 ადამიანი დაინფიცირდა, აქედან 75 000-ზე მეტი პაციენტი დაიღუპა.

იხილეთ ვიდეო:ინგლისში საყოველთაო კარანტინის რეჟიმი ამოქმედდება

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 02.08.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან