გერმანიაში კორონავირუსის 11 897 ახალი შემთხვევა დადასტურდა და ინფიცირებულთა საერთო რაოდენობა 1 787 410 -მდე გაიზარდა, - შესაბამის მონაცემებს რობერტ კოხის ინსტიტუტი ავრცელებს. ამავე მონაცემების თანახმად, ქვეყანაში ვირუსს კიდევ 944 ადამიანის სიცოცხლე ემსხვერპლა და დაღუპულთა რიცხვმა 35 518-ს მიაღწია.

შეგახსენებთ, გერმანიაში ინფიცირების შემთხვევების შემცირების მიზნით დეკემბრის შუა რიცხვებიდან შეზღუდვები გამკაცრდა. ქვეყანაში დახურულია ბარები, რესტორნები, გასართობი დაწესებულებები, სკოლები, საბავშვო ბაღები და მაღაზიების დიდი ნაწილი. შეზღუდვები 10 იანვრამდე მოქმედებს, თუმცა, გუშინ გერმანულმა მედიამ გაავრცელა ინფორმაცია, რომ ქვეყნის მთავრობა და 16 ფედერალური რეგიონი „ლოქდაუნის“ 31 იანვრამდე გახანგრძლივებაზე შეთანხმდნენ. გავრცელებული ინფორმაციით, რეგიონების პრემიერები და ქვეყნის კანცლერი ანგელა მერკელი დღეს შეხვედრას გამართავენ და აღნიშნულ საკითხზე იმსჯელებენ.