ვახტანგ კალოიანი - დაბალია რისკი, რომ კორონავირუსის ახალი შტამით ის ადამიანები დაინფიცირდნენ, ვისაც კორონავირუსი გადატანილი აქვთ

დაბალია რისკი, რომ კორონავირუსის ახალი შტამით ის ადამიანები დაინფიცირდნენ, ვისაც კორონავირუსი გადატანილი აქვთ, - ამის შესახებ „ინტერპრესნიუსს“ „ევროპული საქართველოს“ წევრმა, ანესთეზიოლოგიისა და კრიტიკული მედიცინის ასოციაციის დამფუძნებელმა ვახტანგ კალოიანმა განუცხადა.

„ეპიდემიოლოგიური თვალსაზრისით ყველაზე მაღალი რისკი არის ახალგაზრდა ჯგუფებში, ბავშვებში, სადაც უფრო აქტიურად გადაცემა და შეიძლება ამიტომ გახდეს უფრო აქტიურად გავრცელებული, ესაა მისი ძირითადი რისკი. განმეორებითი ინფიცირების და დაავადების უფრო მძიმედ მიმდინარეობის შესახებ ინფორმაცია არ არის“, - აღნიშნა ვახტანგ კალოიანმა.

რაც შეეხება ვაქცინის ზემოქმედებას კორონავირუსის ახალ შტამზე, როგორც ვახტანგ კალოიანი აცხადებს, „მოდერნას“ და „ფაიზერის“ ვაქცინები ახალი შტამის შემთხვევაშიც მუშაობს.

„ცალსახად ვიცით, რომ „ფაიზერის“ ვაქცინა მუშაობს ზუსტად ისე, როგორც მუტაციამდელ შტამზე მუშაობდა. იგივე ითქმის „მოდერნაზეც“. ზოგადად, ეს მუტაციები ჩვეულებრივი ამბავია ვირუსისთვის, მუდმივი ცვლილება ხდება. ტემპებს თუ გავითვალისწინებთ, არა მგონია, რომ ეს ჩვენთან გაზაფხულის ბოლომდე იყოს. მნიშვნელოვანია ეპიდემიოლოგიური მართვა, კლასტერების და კავშირების დევნა, რომ გავრცელება არ მოხდეს და რაც შეიძლება დიდხანს შევაკაოთ“, - აღნიშნა მან.

ცნობისთვის, საქართველოში კორონავირუსის ახალი შტამის პირველი შემთხვევა დაფიქსირდა. დაავადებათა კონტროლის და საზოგადოებრივი ჯანმრთელობის ეროვნული ცენტრის ინფორმაციით, პაციენტი 50 წელს გადაცილებული მამაკაცია, რომლის მდგომარეობა დამაკმაყოფილებელია და ის იზოლაციაში იმყოფება.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით