თამარ გაბუნიას განცხადებით, 2 კვირაში გამოვლინდება, გამოიწვია თუ არა რეგულაციების შერბილებამ ინფიცირების ზრდა და ამაზეა დამოკიდებული, შერბილდება თუ არა რეგულაციები 16 იანვრიდან

ჯანდაცვის მინისტრის მოადგილის, თამარ გაბუნიას განცხადებით, მომდევნო ორ კვირაში გამოვლინდება, გამოიწვია თუ არა რეგულაციების შერბილებამ ინფიცირების ზრდა. როგორც მინისტრის მოადგილემ მთავრობის ადმინისტრაციაში გამართულ ბრიფინგზე აღნიშნა, სწორედ ამაზეა დამოკიდებული შერბილდება თუ არა რეგულაციები 16 იანვრიდან.

„ჯერჯერობით ის სქემა, რომელიც დაანონსებულია 16 იანვრის შემდეგ შეზღუდვების შემსუბუქებასთან დაკავშირებით, ძალაში რჩება. თუმცა, მანამდე ჩვენ უნდა გავიაროთ ორი კვირა და ეს ორი კვირა იქნება მნიშვნელოვანი იმ თვალსაზრისით, თუ გამოვლინდება, ამ შეზღუდვების შერბილებამ 24 დეკემბრიდან 2 იანვრამდე პერიოდში გამოიწვია შემთხვევების მატება. თუ მივაღწიეთ ისევ შემთხვევების იმ კრიტიკულ რაოდენობას, როდესაც შეიქმნება რისკი ჯანდაცვის სისტემის კიდევ უფრო მეტად გადატვირთვის და ეს იქნება სერიოზული დარტყმა ჯანდაცვის სექტორისთვის, რა თქმა უნდა, როგორც წინა შემთხვევაში, საბჭო იმსჯელებს იმ მექანიზმებზე, რაც 16 იანვრის შემდეგ უნდა იქნას გამოყენებული. შემდეგი ორი კვირა უნდა ვნახოთ და დავაკვირდეთ ეპიდემიოლოგიურ სიტუაციას“,-აღნიშნა მან.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 20.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე