მთიანი ყარაბაღის საბრძოლო ზონაში, კერძოდ, ჯაბრაილ-ჰადრუტის მიმართულებით მიმდინარე სამძებრო ოპერაციის ფარგლებში, კიდევ 9 ცხედარი აღმოაჩინეს, - ამის შესახებ ინფორმაციას სომხური მედია არაღიარებული მთიანი ყარაბაღის საგანგებო სიტუაციების სამსახურზე დაყრდნობით ავრცელებს.
მათივე ინფორმაციით, ახლად აღმოჩენილი დაღუპულებისგან 3 სამოქალაქო პირია.
არაღიარებული მთიანი ყარაბაღის ცნობით, 4 იანვრის მონაცემებით, საბრძოლო ზონიდან, საერთო ჯამში, 1 184 ცხედარია გადასვენებული.
ცხედრების ძებნის ოპერაცია ამჟამად თალიშ-მატაგისის, ჰადრუთისა და ფიზულის რაიონების მიმართულებები გრძელდება.