აშშ-ში გასული დღე-ღამის განმავლობაში კორონავირუსით 3 770 ადამიანი გარდაიცვალა, რაც პანდემიის დაწყების დროიდან რეკორდულად მაღალი დღიური მაჩვენებელია.

ამასთან, ქვეყანაში კოვიდ 19-ის 229 055 ახალი შემთხვევა დადასტურდა და ინფიცირებულთა საერთო რაოდენობამ 21 მილიონს გადააჭარბა.

CNN-ის ცნობით, აშშ-ის შტატების გუბერნატორები ვაქცინაციის პროგრამის დაჩქარებისა და უფრო მეტი მოქალაქის აცრის მიზნით ზომებს აძლიერებენ. კერძოდ, მიმდინარეობს ეროვნული გვარდიის წევრების მობილიზება და იმ მოხალისეების გადამზადება, რომლებსაც მოქალაქეებისთვის აცრის გაკეთების სურვილი აქვთ.