ჰონგ-კონგში პრო-დემოკრატიული მოძრაობის 50-ზე მეტი აქტივისტი დააკავეს

ჰონგ-კონგში ქალაქის მთავრობის დამხობის მცდელობის ბრალდებით 53 ყოფილი პოლიტიკოსი და პრო-დემოკრატიული მოძრაობის აქტივისტი დააკავეს, - ამის შესახებ ინფორმაციას BBC-ი ავრცელებს.

ჰონგ-კონგის უსაფრთხოების მდივნის განცხადებით, დაკავებულების საქმიანობა დივერსიულ ხასიათს ატარებდა.

პეკინი აღნიშნულ ფაქტს სამართლიან ნაბიჯად მიიჩნევს. ჩინეთის საგარეო საქმეთა სამინისტროს პრესსპიკერის, ჰუა ჩუნინის განცხადებით, დაკავებები აუცილებელი იყო, რათა გარე ძალებს და ადგილობრივ მოქალაქეებს შორის შეთქმულება ჩაშლილიყო, რაც ჩინეთის სტაბილურობასა და უსაფრთხოებას უქმნიდა საფრთხეს.

BBC-ი წერს, რომ ეს ჩინეთის მიერ ეროვნული უსაფრთხოების სადავო კანონის მიღების შემდეგ ჰონგ-კონგში განხორციელებული ყველაზე მასშტაბური დაკავებაა.

საერთაშორისო ორგანიზაცია Amnesty International-ის შეფასებით, დღეს განხორციელებული მასშტაბური დაკავება იმის დემონსტრირებას წარმოადგენს, თუ როგორ იყენებენ ეროვნული უსაფრთხოების კანონს მათ დასასჯელად, „ვინც გაბედავს და დადგენილ წესებს დაუპირისპირდება.“

ჩინეთმა ეროვნული უსაფრთხოების კანონი გასული წლის ივნისში მიიღო.

ზაალ ანჯაფარიძე - სტაბილურობა, რომელიც დღეს გვაქვს, საკმაოდ მყიფეა - სახელმწიფოს რესურსები ულევი არ არის და ამიტომ  ხელისუფლება  ცდილობს,  თავი დაიზღვიოს
ქართული პრესის მიმოხილვა 28.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს ინტერნეტის და სასაუბრო პაკეტების ოთხ სააქციო პირობას სთავაზობს
JTI-ს საუკეთესო დამსაქმებლის ჯილდო გადაეცა