მედიის ინფორმაციით, აქციის მონაწილეები კონგრესის შენობიდან გაიყვანეს, ვაშინგტონში პოლიციამ ორი ხელნაკეთი ბომბი აღმოაჩინა

სენატის დარბაზი დონალდ ტრამპის მომხრეებისგან გაწმენდილია, საპროტესტო აქციის მონაწილეები კონგრესის შენობიდან გაიყვანეს. ამის შესახებ გამოცემა „პოლიტიკოს“ კორესპონდენტი კაპიტოლიუმის პოლიციაზე დაყრდნობით იუწყება.

„პოლიციის ოფიცერთა განცხადებით, სენატის დარბაზი ტრამპის მომხრეებისგან გათავისუფლებულია, რომლებმაც კაპიტოლიუმზე შტურმი მიიტანეს“ - წერს ჟურნალისტი.

მისი ინფორმაციით, რამდენიმე საათის წინ შენობაში შეჭრილი ადამიანები კაპიტოლიუმის დასავლეთ და აღმოსავლეთ შესასვლელებიდან გაიყვანეს. ტელეკომპანია „სი-ენ-ენი“ კი ავრცელებს ინფორმაციას, რომ ამერიკელმა სამართალდამცავებმა ვაშინგტონში ორი თვითნაკეთი ბომბი გააუვნებელყვეს. ტელეკომპანიის წყაროების მონაცემებით, ერთი ბომბი კაპიტოლიუმის კომპლექსში იყო მოთავსებული. თუმცა, კონკრეტულად სად, არ სახელდება. მეორე კი, იმ შენობაში, სადაც მდებარეობს რესპუბლიკური პარტიის ეროვნული კომიტეტის ოფისები.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე