ჩეხეთში, გასული დღე-ღამის განმავლობაში, კორონავირუსის 17 668 ახალი შემთხვევა დადასტურდა, რაც რეკორდულად მაღალი მაჩვენებელია ქვეყნისთვის, - ამის შესახებ ინფორმაციას The Guardian-ი ავრცელებს.
გამოცემის ცნობით, ქვეყანაში ბოლო 24 საათში კოვიდ 19-ს კიდევ 185 ადამიანის სიცოცხლე ემსხვერპლა. ჩეხეთში, პანდემიის დაწყების დროიდან, კორონავირუსის 794 740 შემთხვევაა დადასტურებული, აქედან დაღუპულია 12 621 და გამოჯანმრთელებულია 649 394 პაციენტი.