იაპონიის მთავრობა თითოეულ რესტორანს, რომელიც სამუშაო საათებს შეამცირებს, თვეში 17 400 აშშ დოლარით დაეხმარება

იაპონიის ნაწილში გამოცხადებული საგანგებო მდგომარეობის ფარგლებში რესტორნები საღამოს 20:00 საათზე დაიკეტება, - ამის შესახებ ინფორმაციას СNN-ი ავრცელებს.

ტელეკომპანიის ცნობით, მთავრობა თითოეულ რესტორანს, რომელიც სამუშაო საათებს შეამცირებს, თვეში 1.8 მილიონ იენს (17 400 აშშ დოლარს) გამოუყოფს.

გარდა ამისა, შეზღუდვების თანახმად, იმ რაიონებში მცხოვრებ მოსახლეობას, სადაც ინფიცირების გავრცელების მაჩვენებელი მაღალია, სახლიდან მუშაობის რეკომენდაცია ეძლევა, დამსაქმებლებს კი ხელისუფლება მოუწოდებს, თანამშრომლების 70% დისტანციურ რეჟიმზე გადაიყვანონ. ამასთან, მოსახლეობას შინ დარჩენისა და არააუცილებელი გადაადგილებისგან თავის შეკავებას ურჩევენ. აღსანიშნავია, რომ შეზღუდვები სკოლების დახურვას არ ითვალისწინებს.

შეგახსენებთ, იაპონიის პრემიერ-მინისტრმა დედაქალაქ ტოკიოსა და სამ მეზობელ პრეფექტურაში კორონავირუსის გამო საგანგებო მდგომარეობა გამოაცხადა.

საგანგებო მდგომარეობა ტოკიოში და საიტამას, ჩიბასა და კანაგავას პრეფექტურებში პარასკევიდან ამოქმედდება და ძალაში 2 თებერვლამდე დარჩება.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით