19 წლის ძმის მკვლელობაში ბრალდებულის ადვოკატი - ჩემი დაცვის ქვეშ მყოფი წარდგენილ ბრალდებაში თავს დამნაშავედ  არ ცნობს - ეს იყო შემთხვევითობა, არანაირი განზრახვა ძმის მკვლელობის არ ჰქონია

თბილისში, 19 წლის ძმის მკვლელობაში ბრალდებულის ადვოკატის, თამარ გაჩეჩილაძის განცხადებით, მისი დაცვის ქვეშ მყოფი წადგენილ ბრალდებაში თავს დამნაშავედ არ ცნობს.

როგორც „ინტერპრესნიუსთან“ საუბრისას თამარ გაჩეჩილაძე აცხადებს, წარდგენილი ბრალდება მძიმეა, თავად ბრალდებული კი დუმილის უფლებას იყენებს.

„მას წარედგინა ბრალი 109-ე მუხლით, ეს არის დამამძიმებელ გარემოებაში განზრახ მკვლელობა ოჯახის წევრის. საკმაოდ მძიმე ბრალდებაა, წარდგენილ ბრალდებაში არ ცნობს თავს დამნაშავედ. დუმილის უფლებას იყენებს. ძალიან მძიმე ემოციური ფონი აქვს“,- აცხადებს ადვოკატი.

კითხვაზე, ჰქონდა თუ არა მისი დაცვის ქვეშ მყოფს ძმასთან კონფლიქტი, ადვოკატი აცხადებს, რომ ძმებს სერიოზული კონფლიქტი არასდროს ჰქონიათ. რაც შეეხება მომხდარ შემთხვევას, ადვოკატის თქმით, ბრალდებულს ძმის მკვლელობის განზრახვა არ ჰქონდა.

„ზოგადად ძმებს ძალიან კარგი ურთიერთობა ჰქონდათ, ამას მეზობლებიც ადასტურებენ, ახლობლებიც და მეგობრებიც, ყველა. სერიოზული კონფლიქტი არასდროს ჰქონიათ ძმებს. ეს იყო შემთხვევითობა, არანარი განზრახვა ძმის მკვლელობის არ ჰქონია“,-აცხადებს ადვოკატი.

შეგახსენებთ, რომ შინაგან საქმეთა სამინისტროს თბილისის პოლიციის დეპარტამენტის საგამოძიებო მთავარი სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1999 წელს დაბადებული გიორგი ახლოური ოჯახის წევრის მიმართ ჩადენილი განზრახ მკვლელობის ბრალდებით დააკავეს.

უწყების ინფორმაციით, ბრალდებულმა ძმას - 2001 წელს დაბადებულ მიშა ახლოურს, ურთიერთშელაპარაკების ნიადაგზე, ცივი იარაღის გამოყენებით სხეულზე ჭრილობა მიაყენა. დაჭრილი მამაკაცი სასწრაფო სამედიცინო დახმარების ჯგუფმა საავადმყოფოში გადაიყვანა, თუმცა მისი გადარჩენა ვეღარ მოხერხდა. სამართალდამცველებმა დანაშაულის ჩადენის იარაღი - დანა ნივთმტკიცებად ამოიღეს.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო