თენგიზ ცერცვაძის განცხადებით, "რემდესივირით" მკურნალობის კურსი 33-დან 22-მა კოვიდინფიცირებულმა დაასრულა

ინფექციური საავადმყოფოს დირექტორის თენგიზ ცერცვაძის განცხადებით, ამ დროის მონაცემებით, "რემდესივირით" მკურნალობა კორონავირუსით ინფიცირებულ 33 პაციენტს დაენიშნა, მათგან 22-მა კურსი უკვე დაასრულა.

როგორც თენგიზ ცერცვაძემ "ინტერპრესნიუსს" განუცხადა, ჯერჯერობით, "რემდესივირით" მკურნალობა ვისაც დაენიშნა, ყველa მათგანში არის კარგი შედეგი და არცერთი პაციენტი არც დამძიმებულა.

"საავადმყოფო, რომელიც გადაწყვეტს რომ პაციენტს "რემდესივირი" დაუნიშნოს, აგზავნის ფორმა 100-ს სამინისტროში, სამინისტროში არის 6 წამყვანი კლინიცისტისგან შემდგარი კომისია, ეს კომისია განიხილავს, რამდენად სწორად არის დანიშნული მედიკამენტი. ამასთან, "რემდესივირის" დანიშვნას თავისი კრიტერიუმები აქვს, პაციენტი უნდა იყოს ჟანგბადდამოკიდებული, მაგრამ არ უნდა იყოს ინტუბირებული ანუ ხელონურ სუნთქვაზე მყოფი. მისი დაავადების დაწყებიდან არ უნდა იყოს გასულ 10 დღეზე მეტი. ანუ "რემდესივირი" პირველი ათი დღე არის ეფექტური. თითოეულ პაციენტს სჭირდება 6 დოზა და მკურნალობა ხუთ დღეს გრძელდება. ძირითადად პაციენტები თბილისიდან არიან, თუმცა, მედიკამენტი წაღებული აქვთ საჩხერეში, ქუთაისში, ბათუმში", - განაცხადა თენგიზ ცერცვაძემ.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე