ივანე მაჭავარიანი - 2020 წლის დეკემბერში 300-ლარიანი კომპენსაცია 120 ათასზე მეტმა პირმა მიიღო

ფინანსთა მინისტრ ივანე მაჭავარიანის განცხადებით, იმ ობიექტებში დასაქმებული პირებისა და ინდ. მეწარმეების სასარგებლოდ, რომელთაც საქმიანობა შეუჩერდათ გასული წლის 28 ნოემბერს დაწესებული დამატებითი წერტილოვანი შეზღუდვების შედეგად, დეკემბერში გაიცა 36 მილიონ 122 ათასი ლარი და 300-ლარიანი კომპენსაცია მიიღო 120 ათასზე მეტმა პირმა.

როგორც მან აღნიშნა, 2021 წლის იანვრიდან 6 თვე გაგრძელდება სოციალური პაკეტების მხარდაჭერა და 65-დან 100 ათას ქულამდე მყოფი, დაახლოებით, 72 ათასი ოჯახი 100-ლარიან დახმარებას მიიღებს.

ასევე, ფინანსთა მინისტრის ინფორმაციით, 6 თვე გაგრძელდება 0-დან 100 ათას ქულამდე მყოფი, დაახლოებით, 24 ათასი ოჯახისთვის 3 ან მეტი 16 წლამდე ბავშვით 100-ლარიანი დახმარება.

ფინანსთა მინისტრის თქმით, 2021 წელს ასევე, 100-ლარიან დახმარებაა გათვალისწინებული 18 წლამდე შშმ და მკვეთრად გამოხატული შშმ პირებისთვის 6 თვის მანძილზე. შედეგად კი საუბარია, დაახლოებით, 43 ათას პირზე.

ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
ქართული პრესის მიმოხილვა 26.07.2021
ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ბათუმში „მაგნიტის“ ახალი ფორმატის ფილიალი - „მაგნიტი მაქსი“ გაიხსნა
რომში “ინტელიექსპრესის” ახალი ფილიალი გაიხსნა
საფრანგეთის განვითარების საფინანსო ინსტიტუტი პროპარკო (Groupe Agence Française de Développement) კრედო ბანკის აქციონერი გახდა
„ემბავუდმა“ ოქროს ბრენდის წოდება მოიპოვა