აშშ-ის პრეზიდენტი დონალდ ტრამპი არჩეული პრეზიდენტის ჯო ბაიდენის ინაუგურაციას არ დაესწრება. ამის შესახებ თეთრი სახლის ლიდერმა „ტვიტერში“ დაწერა.
„ყველას, ვინც მეკითხებოდა: არ წავალ ინაუგურაციაზე 20 იანვარს“, - წერს დონალდ ტრამპი.
ამავდროულად, „როიტერი“ წყაროზე დაყრდნობით წერს, რომ თეთრ სახლში განიხილავენ ამერიკის პრეზიდენტის ფლორიდაში მარ-ა-ლაგოს რეზიდენციაში გამგზავრებას 19 იანვარს.
ამგვარად, დონალდ ტრამპი ამერიკის ისტორიაში მეოთხე პრეზიდენტი იქნება, რომელიც მისი შემცვლელის ინაუგურაციას არ დაესწრება.