გერმანიაში, გასული დღე-ღამის განმავლობაში კორონავირუსის 12 802 ახალი შემთხვევა დადასტურდა და 891 ინფიცირებული გარდაიცვალა, - ინფორმაციას Reuters-ი რობერტ კოხის ინსტიტუტის მონაცემებზე დაყრდნობით ავრცელებს. პანდემიის დაწყებიდან დღემდე, გერმანიაში კორონავირუსის 1 933 826 შემთხვევაა დადასტურებული, დაღუპულთა რაოდენობა კი 41 577-ს შეადგენს.
გერმანიაში ინფიცირების შემთხვევების შემცირების მიზნით დეკემბრის შუა რიცხვებიდან შეზღუდვები გამკაცრდა. ქვეყანაში დახურულია ბარები, რესტორნები, გასართობი დაწესებულებები, სკოლები, საბავშვო ბაღები და მაღაზიების დიდი ნაწილი.
4 იანვარს ქვეყნის მთავრობა და 16 ფედერალური რეგიონი „ლოქდაუნის“ 31 იანვრამდე გახანგრძლივებაზე შეთანხმდნენ.