თინა ხიდაშელი - ძალიან მალე სამთავრობო ცვლილება გვექნება - ეს იქნება სრულფასოვანი ცვლილება გახარიას ჩათვლით

საქართველოს თავდაცვის ყოფილი მინისტრის თინა ხიდაშელის განცხადებით, უახლოეს მომავალში განხორციელდება სამთავრობო ცვლილებები, მათ შორის „გიორგი გახარიას ჩათვლით“. ამის შესახებ თინა ხიდაშელმა „პალიტრანიუსის“ გადაცემა „რეზიუმეში“ განაცხადა.

კითხვაზე, შეძლებს, თუ არა პრემიერ-მინისტრი, გიორგი გახარია იმ მინისტრების თანამდებობიდან გადაყენებას, „რომლებიც მისი დანიშნულები არ იყვნენ და რომელთანაც მას გავრცელებული ინფორმაციით, პრობლემა აქვს, მაგალითად ეკატერინე ტიკარაძე“ , თინა ხიდაშელი პასუხობს, რომ „ისინი ერთად წავლენ მთავრობიდან“.

„ისინი ერთად წავლენ მთავრობიდან, ამიტომ მაგაზე შეგიძლიათ არ ინერვიულოთ. ფორმა არ ვიცი, მაგრამ ისინი ერთად წავლენ მთავრობიდან. როგორც ნოემბერში გეუბნებოდით ჟურნალისტებს, რომ პარტიის ყრილობა იგეგმებოდა და თავმჯდომარე ირაკლი კობახიძე ხდებოდა, ასე შემიძლია გითხრათ, რომ ძალიან მალე, ამ უმწვავესი კრიზისის დასრულებისთანავე ჩვენ სამთავრობო ცვლილება გვექნება. ეს ცვლილება არ იქნება ისეთი, როგორიც კითხვაში ჩანდა - ვის დანიშნავს გახარია? ეს იქნება სრულფასოვანი ცვლილება გახარიას ჩათვლით“, - განაცხადა თინა ხიდაშელმა.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან