აშშ-ში, გასული 24 საათის განმავლობაში, კორონავირუსს კიდევ 4 327 ადამიანის სიცოცხლე ემსხვერპლა, რაც რეკორდული დღიური მაჩვენებელია პანდემიის დაწყების დროიდან, - შესაბამის მონაცემებს ჯონს ჰოპკინსის უნივერსიტეტი ავრცელებს.
ამავე მონაცემების თანახმად, აშშ-ში, გასული დღე-ღამის განმავლობაში, კორონავირუსის 215 805 შემთხვევა გამოვლინდა.
ქვეყანაში, პანდემიის დაწყების დროიდან, საერთო ჯამში, კოვიდინფიცირების 22 838 110 შემთხვევაა დადასტურებული, დაღუპულთა რაოდენობა კი 380 600-ს აჭარბებს.
შეგახსენებთ, აშშ-ში კორონავირუსის წინააღმდეგ მოსახლეობის ვაქცინაცია დაწყებულია. ქვეყნის დაავადებათა კონტროლისა და პრევენციის ცენტრის ინფორმაციით, ამ დროისთვის აშშ-ში ვაქცინის მინიმუნ 27 696 150 დოზაა განაწილებული და აცრილია 9 327 138 ადამიანი.