ესტონეთის პრემიერ-მინისტრმა იური რატასმა გადადგომის შესახებ განაცხადა, - ამის შესახებ ინფორმაციას Reuters-ი ავრცელებს.
სააგენტოს ცნობით, იური რატასის გადაწყვეტილებას წინ უძღოდა ესტონეთის პროკურატურის გუშინდელი განცხადება იმის შესახებ, რომ პრემიერ-მინისტრის პარტიის ხუთი წევრი, მათ შორის გენერალური მდივანი მიხაი კორბი, კორუფციის საქმეში იყო გარეული.
საქმე ეხება ტალინში დაგეგმილ სამშენებლო პროექტს. გამოძიების თანახმად, კორბმა ესტონელ ბიზნესმენს, ჰილარ ტედერს სამშენებლო პროექტის დასაფინანსებლად სახელმწიფო სააგენტოდან, KredEx-დან, 39 მილიონი ევროს ოდენობის სესხის გამოყოფის სანაცვლოდ პარტიის წელიწადში 1 მილიონი ევროთი დაფინანსება სთხოვა.
იური რატასს ესტონეთის პრემიერ-მინისტრის თანამდებობა 2016 წლიდან ეკავა.