საფრანგეთის მთავრობის სამეცნიერო მრჩეველი - „ბრიტანული“ ვარიანტის გავრცელების შეჩერება შეუძლებელია, შემზღუდველი ზომებით ჩვენ მისი მხოლოდ შენელება შეგვიძლია

საფრანგეთის სამეცნიერო საბჭოს ხელმძღვანელი ჟან ფრანსუა დელფრაისი, რომელიც მთავრობის მრჩეველია სამეცნიერო საკითხებში, აცხადებს, რომ კოვიდ 19-ის ახალი, ე.წ. -„ბრიტანული“ ვარიანტის გავრცელების შეჩერება შეუძლებელია.

„ბრიტანული“ ვარიანტი გავრცელდება და ამის შეჩერება შეუძლებელია, შემზღუდველი ზომებით ჩვენ მისი მხოლოდ შენელება შეგვიძლია“, - აღნიშნა დელფრაისმა ადგილობრივ მედიასთან საუბარში.

თუმცა მან მთავრობას სკოლების ღიად დატოვებისკენ მოუწოდა.

„ჩვენ ვფიქრობთ, რომ ამ ვარიანტის შესახებ ინგლისის მონაცემები საკმარისი არ არის იმისთვის, რომ საფრანგეთში სკოლების დახურვის რეკომენდაცია გავცეთ ”, - აღნიშნა დელფრაისმა.

მისივე თქმით, საფრანგეთში კოვიდ-19-ით ინფიცირების ახალი შემთხვევების დაახლოებით 1%-ი კორონავირუსის „ბრიტანულ“ ვარიანტზე მოდის.

აღსანიშნავია, რომ დღეს საფრანგეთის პრეზიდენტი ემანუელ მაკრონი თავდაცვის საბჭოს სხდომას უხელმძღვანელებს, რომელზედაც ახალი შეზღუდვების დაწესების საკითხს განიხილავენ.

პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
ქართული პრესის მიმოხილვა 15.01.2021
იაგო კაჭკაჭიშვილი  - „ოცნების“ „დაისი“ ახლოვდება, ივანიშვილმა დაასწრო მისი, როგორც დამარცხებული ლიდერის როლში ყოფნის პერსპექტივას  და წასვლით ერთგვარად თავი დაიზღვია
პირველი დამოუკიდებელი სარეკლამო სტუდია 29 წელს ითვლის
ტერაბანკი BDO Digital-თან პარტნიორობით პროცესების რობოტიზაციას (RPA) იწყებს
პროკრედიტ ბანკის სათავო ოფისი მსოფლიოს მწვანე შენობების სიაში შევიდა