ვლადიმერ პუტინმა და რეჯეფ თაიფ ერდოღანმა ყარაბაღის საკითხი განიხილეს

რუსეთის პრეზიდენტმა ვლადიმერ პუტინმა და თურქეთის პრეზიდენტმა რეჯეფ თაიფ ერდოღანმა სატელეფონო საუბრის დროს მთიან ყარაბაღში ცეცხლის შეწყვეტის კონტროლის მიზნით რუსეთ-თურქეთის მონიტორინგის ცენტრის შექმნის საკითხი განიხილეს, - ამის შესახებ ინფორმაციას რუსული მედია კრემლის პრესსამსახურზე დაყრდნობით ავრცელებს.

მათივე ინფორმაციით, სატელეფონო საუბრის დროს ვლადიმერ პუტინმა თურქ კოლეგას აზერბაიჯანისა და სომხეთის ლიდერებთან, ილჰამ ალიევსა და ნიკოლ ფაშინიანთან, გამართული შეხვედრის ძირითადი შედეგების შესახებ ინფორმაცია მიაწოდა.

„ვლადიმერ პუტინმა თურქეთის პრეზიდენტს მიაწოდა ინფორმაცია რუსეთის, აზერბაიჯანისა და სომხეთის ლიდერების სამმხრივი შეხვედრის მთავარი შედეგების შესახებ, რომელიც 11 იანვარს მოსკოვში გაიმართა და რომელზედაც მთიანი ყარაბაღის შესახებ 2020 წლის 9 ნოემბერს ხელმოწერილი განცხადების განხორციელების საკითხი განიხილეს,“- აღნიშნულია კრემლის პრესსამსახურის მიერ გავრცელებულ ინფორმაციაში.

ვლადიმერ პუტინსა და რეჯეფ თაიფ ერდოღანს შორის სატელეფონო საუბარი დღეს გაიმართა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა