თენგიზ ცერცვაძე - იყო შეფერხებები, სიძნელეები და მოსახლეობის უკმაყოფილება, მაგრამ სამედიცინო მომსახურების უქონლობის გამო, არავინ გარდაცვლილა

იყო შეფერხებები, იყო სიძნელეები და მოსახლეობის უკმაყოფილება, მაგრამ საბოლოოდ, სამედიცინო მომსახურების უქონლობის გამო არავინ გარდაცვლილა, - ამის შესახებ ინფექციური პათოლოგიისა და შიდსის ცენტრის გენერალურმა დირექტორმა თენგიზ ცერცვაძემ ჟურნალისტებს განუცხადა.

ცერცვაძის ინფორმაციით, საქართველოში, ბინაზე სულ 33 კოვიდინფიცირებული გარდაიცვალა, “რაც არის კარგი კრიტერიუმი და იმას ნიშნავს, რომ ჰოსპიტალში მაინც ყველა თავსდებოდა“.

მისივე შეფასებით, საქართველოს კლინიკური სექტორი არ ჩამოიშლება და ის ნებისმიერ დატვირთვას გაუძლებს.

“როცა მსოფლიოში პირველ ადგილზე ვიყავით მილიონ მოსახლეზე შემთხვევათა რაოდენობით, ჩვენმა კლინიკურმა სექტორმა მაშინ გაუძლო და არ ჩამოშლილა, ლონდონისა და ლოს-ანჯელესისგან განსხვავებით. იყო შეფერხებები, იყო სიძნელეები და მოსახლეობის უკმაყოფილება, მაგრამ საბოლოოდ მომსახურების უქონლობის გამო არავინ გარდაცვლილა. ჰოსპიტლებში თითქოს ადგილი არ იყო, მაგრამ მაინც ყველა თავსდებოდა. ინგლისში ბინაზე 7 ათასი კაცი გარდაიცვალა. არ მგონია, ჩვენთან ამაზე უარესი იყოს“, - განაცხადა ცერცვაძემ ჟურნალისტებთან საუბრისას.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა