პრეზიდენტ დონალდ ტრამპის იმპიჩმენტთან დაკავშირებული მოსმენა სენატში მომავალ კვირამდე არ დაიწყება, - ამის შესახებ სენატის უმრავლესობის ლიდერმა მიტჩ მაკკონელმა განაცხადა.
„სენატში პროცესი ამ კვირაში დაწყების შემთხვევაშიც კი საბოლოო განაჩენის მიღწევა ტრამპის მიერ თანამდებობის დატოვებამდე ვერ მოხერხდებოდა. ამას მე არ ვწყვეტ, ეს ფაქტია,“- განაცხადა მიტჩ მაკკონელმა.
მისივე თქმით, ბაიდენის ფიცის დადებამდე სენატში „სამართლიანი ან სერიოზული“ პროცესის ჩატარება შეუძლებელია.
„სენატს პრეზიდენტის იმპიჩმენტის სამი პროცესი აქვს ჩატარებული, რომლებიც 83, 37 და 21 დღის განმავლობაში გრძელდებოდნენ,“- აღნიშნა სენატის უმრავლესობის ლიდერმა.
შეგახსენებთ, რამდენიმე საათის წინ აშშ-ის კონგრესის წარმომადგენელთა პალატამ აშშ-ის პრეზიდენტ დონალდ ტრამპს იმპიჩმენტი გამოუცხადა. იმპიჩმენტის სასარგებლოდ ხმა 232-მა კონგრესმენმა მისცა, 197 კი - წინააღმდეგი წავიდა. აღსანიშნავია, რომ იმ კანონმდებლებს შორის, რომლებმაც ტრამპის იმპიჩმენტს მხარი დაუჭირეს, 10 „რესპუბლიკელი“ კონგრესმენია.