ჯანდაცვის მსოფლიო ორგანიზაციის ექსპერტები, რომლებმაც კორონავირუსის პანდემიის წარმოშობა უნდა გამოიკვლიონ, ჩინეთის ქალაქ უხანში ჩავიდნენ.
BBC-ის ინფორმაციით, 10 მეცნიერისგან შემდგარი ჯგუფი გამოკითხავს ადამიანებს კვლევით ინსტიტუტებში, საავადმყოფოებსა და ზღვის პროდუქტების ბაზარში, რომელსაც ვირუსის გავრცელებას უკავშირებენ.
ჯანდაცვის მსოფლიო ორგანიზაციაში მიმდინარე თვის დასაწყისში განაცხადეს, რომ ექსპერტების ჯგუფს ჩინეთში შესვლაზე უარი უთხრეს, თუმცა მოგვიანებით პეკინმა განმარტა, რომ ეს გაუგებრობით იყო გამოწვეული.
შეგახსენებთ, კორონავირუსის პირველი შემთხვევა ჩინეთის ქალაქ უხანში 2019 წლის ბოლოს გამოვლინდა. 2020 წლის 11 იანვარს კი ვირუსს ქალაქში პირველი ადამიანის სიცოცხლე ემსხვერპლა.