პოლიტიკური გაერთიანება „ქართული ოცნება-დემოკრატიული საქართველოს“ ოფისში უმრავლესობის სხდომა ჩაინიშნა.

როგორც „ინტერპრესნიუსს“ საპარლამენტო უმრავლესობაში განუცხადეს, დღის ბოლოს ჩანიშნული შეხვედრა „ქართული ოცნების“ ხვალინდელ ყრილობას და მასთან დაკავშირებულ საორგანიზაციო საკითხებს ეხება.

ცნობისთვის, ხვალ „ქართული ოცნება“ ყრილობას გამართავს, სადაც პარტიის თავმჯდომარე და პოლიტიკური საბჭოს შემადგენლობა უნდა აირჩიოს. „ქართული ოცნების“ თავმჯდომარედ ირაკლი კობახიძის კანდიდატურა განიხილება. ეს პოსტი ვაკანტური მას შემდეგ გახდა, რაც „ქართული ოცნების“ უკვე ყოფილმა თავმჯდომარემ ბიძინა ივანიშვილმა პარტია და თანამდებობა დატოვა და მასთან ერთად პოლიტიკიდანაც წავიდა.