პროკურატურაში გაგზავნილია წინადადება გამოძიების დაწყების მოთხოვნით, ასევე ინფორმირებულნი არიან ელჩები და საერთაშორისო ორგანიზაციები,- ამის შესახებ სახალხო დამცველმა ნინო ლომჯარიამ ციხეში კრიმინალური სუბკულტურის მართვის მოდელისა და სახალხო დამცველის წარმომადგენლებისთვის მონიტორინგის ხელშეშლის ფაქტებზე საუბარისას განაცხადა.

ლომჯარიას თქმით, აღნიშნულ საკითხზე საერთაშორისო ორგანიზაციებთან დახურულ რეჟიმში ადრეც ჰქონდათ საუბარი. სახალხო დამცველის თქმით, მისი აპარატი ყველაფერს გააკეთებს იმისთვის, რომ ისინი ადგილზეც გაეცნონ მდგომარეობას.

„გავაკეთებთ ყველაფერს, რომ რაც კი საერთაშორისო ორგანიზაციაა, რომელიც პატიმართა უფლებებზე და არაადამიანური მოპყრობის საკითხებზე მუშაობს, მაქსიმალურად მოვიწვიოთ, რომ თავადაც ჩამოვიდნენ, დააკვირდნენ და შეისწავლონ აღნიშნული პრობლემა, რეალურად დღესდღეობით, ევროპაში, ალბათ, ვართ ერთადერთი სახელმწიფო სადაც, ომბუდსმენის წარმომადგენლებს კრიმინალური სუბკულტურის წევრები ციხის ადმინისტრაციების წაქეზებით არ უშებენ ციხის ტერიტორიაზე და ემქურებიან მათ მძიმე ფორმებით. მე ახლა ველოდები, რა იქნება პასუხი ხელისუფლების წარმომადგენლების, დაიცავენ თუ არა ისინი ამას ისევ, წააქეზებენ თუ არა კრიმინალური ფორმის მართვის სისტემას,“- განაცხადა ლომჯარიამ.